Էրդողանը ցանկանում է ջնջել քվեարկությամբ իրենց հեռացնելու հույսը. Կարո Փայլան

Թուրքիայի քրդամետ Ժողովուրդների դեմոկրատական կուսակցության հայ պատգամավոր Կարո Փայլանը քնադատել է ընտրությունների արդյունքների հետ կապված Էրդողանի հայտարարությունը։

Կարո Փայլանը Twitter–ի իր էջում գրել է. «Իշխող կուսակցությունը Մուշի Մանազկերտում հաղթում է 3 ձայնով, Էրդողանը դա հաղթական է համարում, սակայն Ստամբուլում պարտվում է 15000 ձայնով, դա պարտություն չի համարում։ Ցանկանում են ջնջել հույսը, թե քվեարկությամբ հնարավոր կլինի իրենց հեռացնել»։

Նշենք, որ Թուրքիայի նախագահ Ռեջեփ Թայիփ Էրդողանը հայտարարել էր, թե Ստամբուլում ընդդիմության թեկնածուն հաղթել է 15000 ձայն տարբերությամբ, որը հնարավոր չի հաղթանակ համարել։

https://news.am/arm/news/505978.html