Քոլորատոյի մէջ ապրիլը «Ցեղասպանութեան իրազեկման ամիս» կը հռչակուի

Ամերիկայի Հայ Դատի յանձնախումբը կը տեղեկացնէ, թէ Քոլորատօ նահանգի նահանգապետ Ճերըտ Փոլիս ստորագրեց հռչակագիր մը՝ այս տարուան ապրիլ ամիսը յայտարարելով «Ցեղասպանութեան իրազեկման ամիս»:

Հռչակագիրին մէջ, այլ ցեղասպանութիւններու կողքին, նշուած է նաեւ Հայոց Ցեղասպանութիւնը եւ հոն կ՛ընդգծուի ցեղասպանութեանց մասին դասաւանդումներու կարեւորութիւնը եւ կոչ կ՛ուղղուի ոճրագործներուն, որոնք մինչ այժմ կը հերքեն մարդկութեան դէմ յանցագործութիւնները, ընդունելու պատմական իրականութիւնները:

Նշենք, որ Միացեալ Նահանգներու 50 նահանգներէն 49ը արդէն իսկ կը ճանչնան Հայոց Ցեղասպանութիւնը: Միակ նահանգը, որ ցարդ չէ ճանչցած Հայոց Ցեղասպանութիւնը Միսիսիփին է:

http://asbarez.com/arm/342091/