Հայկական համայնքը հավաքվել է Կայսերիում (Կեսարիա-Ակունքի խմբ.)` նշելու Միջինքը

Հայկական համայնքը հավաքվել է Կենտրոնական Անատոլիայում գործող ամենահին եկեղեցին համարվող Կայսերիի Սուրբ Գրիգոր Լուսավորիչ եկեղեցում (1191) և նշել ավանդական Միջինքը: Այս մասին, ըստ akunq.net-ի, հաղորդում է haberturk.com լրատվական գործակալությունը: 6 տարուց ավելի է՝ պաշտոնապես գործող Սուրբ Գրիգոր Լուսավորիչ եկեղեցում Մեծ Պահքը կիսող Միջինքը նշելու համար բազմաթիվ հայեր են եկել Կայսերի:

Նրանք մոմ են վառել, աղոթք արել: Քահանա Թաթուլ Անուշյանը պատարագ է մատուցել, որից հետո այցելուները աղոթել են: Միջինքի մասին հավելյալ տեղեկություններ տվող Կայսերիի Սուրբ Գրիգոր Լուսավորիչ հայկական եկեղեցու հիմնադրամի ղեկավար Զատիկ Թոքերը նշել է. «Միջինքը Զատիկի տոնի Մեծ Պահիքի հետ կապված ծիսակատարություն է: Զատիկին նախորդում է 7 շաբաթ տևող Մեծ պահքը: Այդ 7 շաբաթվա մեջտեղում ընկած օրն էլ անվանվում է Միջինք: Այն նշվելու է նաև Իսկենդերունում ու Հաթայում»:

Նշենք, որ Կեսարիայի Սուրբ Գրիգոր Լուսավորիչը հայության համար նաև կարևոր ուխտատեղի է, ըստ լեգենդի՝ Կեսարիան հենց այն քաղաքն է, որտեղ Գրիգոր Լուսավորիչը ծանոթացել է քրիստոնեությանն ու ընդունել այն՝ հետագայում տարածելով հայ ժողովրդի մեջ*:

https://www.haberturk.com/kayseri-haberleri/68114950-ermeni-cemaati-micing-ayini-icin-toplandi

Թարգմանեց Անի Մելքոնյանը

Ծանոթագրությունը` թարգմանչի

Akunq.net