Թուրքիայի առաջին հայ կին լրագրող Էլբիս Գեսարացյանն իր լրագրողական ու գրական գործունեության ողջ ընթացքում կանանց ազատության համար է պայքարել:
«Մեր գաղափարները պետք է ծաղկեն». Ահա այս խոսքերով հիշենք Էլբիսին…
Նա ծնվել է 1830 թ. Ստամբուլի Բեշիքթաշ թաղամասում: 1862-63 թթ. հրատարակել է հայերեն կանանց «Կիթառ» ամսագիրը: Նա առաջին կին գրողն է եղել, որը պաշտպանել է կանանց ազատության գաղափարը սեռերի միջև անհավասարության պատճառների վերացման ու հասարակության զարգացման համար:
Հետևյալ տողերը ներկանացնում են թե իրեն, թե իր հայացքները. «Բազմիցս վկա ենք եղել, որ իրենց սեփական ամուսիններից ավելի մտածող, հեռատես ու գործունյա կանայք կան, որոնք, սակայն, դիտավորյալ ստիպված են լինում հլու հնազանդ գլուխ խորարհել իրենց ամուսինների առաջ, քանի որ ընդուված է, որ կինը պետք է լինի լեզուն կտրված թռչուն, իսկ տղամարդը, ագռավ էլ լինի, պետք է երգի, ղեկավարի: Այո’, իմ սիրելի քույրիկ, սրանք են իմ մտածմունքները: Մեր գաղափարները պետք է ծաղկեն: Տաղանդավոր անհատները սա պետք է համարեն իրենց պարտականությունը, պետք է թմրած գլուխները գործի անցնեն, զգոնությամբ տեր կանգնեն իրենց ազատությանը, կրթվեն: Պետք է ընթերցասրահներ, խորհուրդներ կազմեն ու ստանան այնպիսի գիտելիքներ, որոնք հասնեն մարդկանց սրտերին, մտքերին, որ զարգացման համար քայլ անենք, մարդ համարվենք…»:
Թարգմանեց Անի Մելքոնյանը
Akunq.net
Leave a Reply