Հայոց ցեղասպանության պատմության դասավանդումը կարեւոր քայլ է Ֆրեզնոյի համար

Դպրոցներում Հայոց ցեղասպանության պատմության պարտադիր ուսուցանումը կարեւոր քայլ է հատկապես Ֆրեզնոյի համար, որտեղ հայկական մեծ համայնք է բնակվում: Այս մասին հաղորդում է The Fresno Bee–ն:

Հոդվածի համաձայն՝ այս տարի Քալիֆորնիայի Կրթության հարցերի խորհուրդը հավանության է արժանացրել Հայոց ցեղասպանության թեմայի դասավանդման ծրագիրը: Բացի այդ, խորհուրդ է տրվում թեման դասավանդելիս զուգահեռներ անցկացնել Հոլոքոստի հետ: Ուսուցիչները պետք է նաեւ տեղեկություններ տրամադրեն ցեղասպանությանն «ամերիկյան աննախադեպ մարդասիրական արձագանքի» մասին: Օգնություն ցուցաբերելու համար ավելի քան 117 մլն դոլար է հավաքվել, եւ ավելի քան 1 մլն փախստականի կյանք փրկվել:

Նոր նյութերը, որոնց նպատակը դպրոցականներին պատմական իրադարձությունների մասին քննադատորեն մտածել սովորեցնելն է, դասագրքերում կներառվեն 2018 թվականին:

https://news.am/arm/news/359672.html