Կարո Փայլանը Թուրքիայի խորհրդարանում բարձրացրել է փոքրամասնությունների հարցը

Թուրքիայի խորհրդարանի ծագումով հայ պատգամավոր Կարո Փայլանը խորհրդարանի նիստի ժամանակ բարձրացրել է փոքրամասնությունների ներկայացուցիչների դեմ իրականացվող հանցագործությունների հարցը, հայտնում է «Ակօս» թերթը։

Փայլանը գրավոր խորհրդարանական հարցում է ներկայացրել  վարչապետ Բինալի Յըդըրիմի անունով։ Նա հիշեցրել է, որ կասկածյալները, որոնք սեւ դափնեպսակ էին տեղադրել «Ակօս» թերթի խմբագրության գրասենյակի առջեւ, անցած շաբաթ ազատ են արձակվել։

Նա նաեւ հիշեցրել է, որ տարվա ընթացքում երեք հայկական դպրոցների պատերին գրված են եղել ռասիստական հայտարարություններ, բարբարոսական գործողություններ են կատարվել «Հաթայ» հրեական գերեզմանոցում ու սիրիական ուղղափառ գերեզմանոցում։

Պատգամավորը հարցում է ուղարկել՝ պարզելու համար, թե ինչ ջանքեր են գործադրվում փոքրամասնությունների դեմ հանցագործությունները կանխելու համար, եւ արդյոք հետաքննվում են ատելության հողի վրա կատարված հանցագործությունները։

https://news.am/arm/news/358979.html