Ստոլտենբերգ. Թուրքիան երբեք ՆԱՏՕ-ի միասնականության դեմ քայլեր չի ձեռնարկի

Թուրքիան երբեք քայլեր չի ձեռնարկի, որոնք կարող են խափանել ՆԱՏՕ-ի հավաքական պաշտպանությունն ու միասնականությունը: ՌԻԱ Նովոստիի փոխանցմամբ՝ այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը:

«ՆԱՏՕ-ի ուժն ու հաջողությունը հիմնված են այն փաստի վրա, որ դաշինքի անդամ պետություններից մեկի վրա հարձակման դեպքում բոլոր դաշնակիցները կարձագանքեն: Եվ ես միանգամայն վստահ եմ, որ Թուրքիան երբեք ոչինչ չի անի, որը կխափանի այս հավաքական անվտանգությունն ու միասնականությունը»,- Hurriyet-ին տված հարցազրույցում ասել է Ստոլտենբերգը:

Հարցազրույցում անդրադարձ է եղել նաեւ միջին եւ մեծ հեռահարության C-400 զենիթահրթիռային համակարգերի գնման մասին Թուրքիայի եւ Ռուսաստանի միջեւ բանակցություններին:

«Յուրաքանչյուր երկրի գործն է՝ որոշել, թե ինչ մարտական զենք է գնելու: Բայց մենք միշտ կենտրոնանալու ենք ՆԱՏՕ-ի բոլոր անդամների հետ այդ տեխնիկայի շահագործման համատեղելիության վրա: Կարծում եմ՝ այսպիսին է ուղերձը, որ ես կապում եմ այս հարցի հետ»,- նշել է նա:

Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ սառը պատերազմից ի վեր Թուրքիան ՆԱՏՕ-ի անքակտելի մասն է դարձել եւ շարունակում է քաղաքական եւ ռազմական աջակցություն ցուցաբերել դաշինքին:

https://news.am/arm/news/358796.html