ՆԱՏՕ-ի բազայի թուրք սպաներն ապաստան են հայցել Գերմանիայում

Գերմանիայի հարավ-արեւմուտքում տեղակայված ՆԱՏՕ-ի «Ռամշթայն» ռազմաբազայից մի քանի թուրք սպաներ այդ երկրում ապաստան են հայցել: Այս մասին հաղորդում է BBC-ն:

Ռեյնլանդ Պֆալցի իշխանությունները, որտեղ տեղակայված է բազան, չեն հստակեցրել, թե հատկապես քանի զինվորականի մասին է խոսքը:

Հուլիսից, երբ Անկարայում ռազմական հեղաշրջման անհաջող փորձ կատարվեց, թուրքական իշխանությունները հազարավոր զինվորականների են ձերբակալել: Գերմանիայի իշխանությունները բազմիցս են մտահոգություն հայտնել Թուրքիայում զանգվածային ձերբակալությունների առնչությամբ, ինչի հետեւանքով ՆԱՏՕ-ում դաշնակից երկու պետությունների հարաբերությունները փոքր-ինչ վատթարացել են:

Ընդհանուր առմամբ, հեղաշրջման փորձից հետո պաշտոնանկ է արվել շուրջ 110 հազար մարդ, 37 հազարը ձերբակալվել է:

https://news.am/arm/news/357664.html