Ստամբուլում մեկնարկել է «Հրանտ Դինք» հիմնադրամի կազմակերպած ու Վանին նվիրված միջազգային կոնֆերանսը

Ստամբուլում մեկնարկել է «Հրանտ Դինք» հիմնադրամի կազմակերպած «Վանի և շրջակայքի հասարակական, մշակութային և տնտեսական պատմությունը» խորագրով միջազգային կոնֆերանսը:
Կոնֆերանսն ուղիղ եթերով հեռարձակում է հիմնադրամի YouTube-ի ալիքը
Բանախոսները շոշափել են Հայոց ցեղասպանությունից առաջ Վանի հայկական բնակչությանը, հայերի և Վանի մահմեդական բնակիչների միջև փոխհարաբերություններին, արտագաղթած հայերի ժառանգների կողմից Վանի մասին ընկալումներին առնչվող հարցերը: Կոնֆերանսի ընթացքում խոսվել է նաև Վանի ասորի և եզդի բնակչության մասին:
«Հրանտ Դինք» հիմնադրամը ստեղծվել է 2007թ. և նպատակ է հետապնդում շարունակելու պոլսահայ լրագրող, «Ակօս» թերթի հիմնադիր և գլխավոր խմբագիր Հրանտ Դինքի առաքելությունը, ինչպես նաև աշխատում է Հրանտ Դինքի մասին նյութեր հավաքագրելու և հրատարակելու, Թուրքիայում ժողովրդավարության զարգացմանն աջակցելու և փոքրամասնությունների՝ հասարակության կողմից ընդունելի դարձնելուն նպաստող ծրագրերի իրականացման ուղղությամբ:

http://www.tert.am/am/news/2016/11/11/dink-foundation/2189974