Անհրաժեշտ է մի կողմ դնել անձնական շահերն ու մտածել հայ համայնքի շահերի մասին. Պոլսո Հայոց պատրիարքի թեկնածու

Հայ առաքելական եկեղեցու Գուգարաց թեմի առաջնորդ Սեպուհ արքեպիսկոպոս Չուլջյանը հաստատել է Պոլսո Հայոց պատրիարքի պաշտոնի համար իր թեկնածությունն առաջադրելու մասին լուրը: 
«Ակօսի» հետ զրույցում արքեպիսկոպոս Չուլջյանը հայտնել է, որ ըստ իրեն՝ այս շրջանում առաջին հերթին անհրաժեշտ է մի կողմ դնել անձնական շահերն ու մտածել հայ համայնքի շահերի մասին:
Չուլջյանը շեշտել է, որ պետք է չկրկնել հին սխալներն ու արդար պայմաններ ապահովել բոլոր թեկնածուների համար՝ հարգելով ընտրողին և ընտրվողին:

Հիշեցնենք, որ հոկտեմբերի 26-ին Պոլսո Հայոց պատրիարքարանը հայտարարել է ներկայիս պատրիարք Մեսրոպ Մութաֆյանին անգործունյա ճանաչելու որոշման մասին:
Պատրիարք Մութաֆյանը կոմայի մեջ է գտնվում 2008 թվականից և փաստացի չի գործում որպես պատրիարք: Նրա փոխարեն այդ լիազորությունները կատարում է արքեպիսկոպոս Արամ Աթեշյանը, որն ընտրված է ոչ թե համայնքի, այլ պետության կողմից:
Այժմ արդեն Ստամբուլի հայկական համայնքն ինքը կընտրի իր հոգևոր առաջնորդին:
Ընտրություններին մասնակցելու պարտադիր պայման է Թուրքիայում ծնված լինելը:

http://www.tert.am/am/news/2016/11/09/chuljyan-istanbul-armenians/2187766