Թուրքիայում Դինքի սպանության գործով դատավարությանը ոստիկանության հետախուզության նախկին պետ Ռամազան Աքյուրեքը պնդել է, թե Ստամբուլի նախկին նահանգապետ Ջելալեդին Ջերրահն իրենից պահանջել էր վերացնել Դինքի սպանության նախապատրաստության մասին տեղեկությունը։
Թուրքական Habertürk-ի փոխանցմամբ՝ Դինքի սպանության գործով հերթական դատավարությանը, որտեղ որպես մեղադրյալ մասնակցել են ներկա եւ նախկին բարձրաստիճան պաշտոնյաներ, հետաքրքիր դեպք է տեղի ունեցել։
Երկու տարի կալանքի տակ գտնվող ոստիկանության հետախուզության նախկին պետ Ռամազան Աքյուրեքը հայտարարել է, թե Ստամբուլի այն ժամանակվա նահանգապետ Ջելալեդին Ջերրահն իրենից պահանջել էր վերացնել հետախուզական այն գրությունը, որ Դինքի սպանությունից առաջ Տրապիզոնից Ստամբուլ են մեկնել մի խումբ անձիք՝ «մեծ աղմուկ բարձրացնող» գործողություն իրականացնելու համար։
Ջելալեդին Ջերրահը հերքել է այս պնդումը՝ շեշտելով, թե ինքը նման բան չի պահանջել Ռամազան Աքյուրեքից։
Leave a Reply