Ստամբուլում լույս է տեսել հայազգի լրագրող Հայկո Բաղդատի նոր՝ «Փրկությունը շատ փչացավ» գիրքը:
Գիրքը պատմում է հայերի, հույների, քրդերի գլխին եկած պատմություններն ամենատարբեր քաղաքներում, դրանք վերաբերում են թե՛ 100 տարի առաջվա, թե՛ մեր օրերում տեղի ունեցած դեպքերին: Գրքում տեղ է գտել, ընդհանուր առմամբ, 17 իրական պատմություն:
Թուրքական Gazeteduvar.com.tr կայքին տված հարցազրույցում Բաղդատը պատմել է, որ թուրք հասարակության մեջ դեպի հայկական միջավայր բացվող դռները երկար ժամանակ է փակված են եղել, և իր գրքերով ու նյութերով նա փորձում է լրացնել այդ բացը:
«Այո, հայերն էլ այդ դռները չէին բացում, քանի որ վստահելի չէին համարում», – զրույցի ընթացքում ասել է Հայկոն թուրք լրագրողին:
Հայկո Բաղդատը նաև անկեղծացել է՝ ասելով, որ թուրքական իշխանությունների գործած ոճիրները նրանց կանգնեցնում են մի իրավիճաի առաջ, երբ իրենք ստիպված են լինում բախվել այնպիսի մարդկային հարաբերության հետ, որի մասին առաջ չէին մտածել:
«Տարիներ շարունակ ընկերություն եմ արել Արատ Դինքի (պոլսահայ լրագրող Հրանտ Դինքի որդին) հետ, չգիտեի` ինչպես հարաբերություններ ստեղծեմ մի մարդու հետ, ում հորը սպանել են: Հետո ճանապարհորդում եմ, օդանավակայանում հանդիպում եմ Ալի Իսմայիլի մորը (Գեզի զբոսայգու պահպանությանն ուղղված բողոքի ցույցերի ժամանակ սպանված թուրք երիտասարդը), նստեցինք, զրուցեցինք: Եթե չգիտես, թե ինչ խոսես մի երիտասարդի հետ, ում հորն են սպանել, հիմա ես ի՞նչ խոսեմ մի մոր հետ, ում տղային են սպանել: Մենք այս ամենը չգիտենք, բայց մեզ այս ամենը պարտադրող մի պետություն կա: Ամեն անգամ, երբ ձեռքս եմ առնում գրիչս, մտածում եմ՝ «Տեսնես Ռաքել քույրիկը (Հրանտ Դինքի կինը) կարդո՞ւմ է, Ալի Իսմայիլի մայրիկը կարդո՞ւմ է»:
Ստամբուլում լույս է տեսել պոլսահայ լրագրող Հայկո Բաղդատի նոր գիրքը
•
Leave a Reply