Թուրքիան շարունակում է կորուստներ կրել Եփրատի վահան գործողության ընթացքում

Թուրքիայի կողմից Սիրիայի տարածքում սկսված «Եփրատի վահան» ռազմագործողության ժամանակ սպանվել է մեկ, վիրավորվել երկու թուրք զինվոր` «Իսլամական պետություն» (ԻՊ) ահաբեկչական կազմակերպության զինյալների հարձակման հետևանքով:

Ըստ թուրքական «Akşam» թերթի կայքի` ԻՊ-ի ահաբեկիչները թուրք զինվորների դեմ կիրառել են ականանետ և նռնակ: Տեղեկությունը հաստատել է Թուրքիայի զինված ուժերի (ԶՈՒ) գլխավոր շտաբը:

Հիշեցնենք, որ սիրիական սահմանային Ջերաբլուս քաղաքն ահաբեկիչներից մաքրելուն ուղղված օպերացիայի շրջանակներում օգոստոսի 24-ի վաղ առավոտյան կոալիցիոն ուժերի աջակցությամբ Թուրքիայի զինված ուժերի լայնամասշտաբ գործողություններ սկսեցին: Ահաբեկիչնեի դեմ հիմնական ցամաքային գործողություններն իրականացնում են «Սիրիայի ազատ բանակ» կոչվող զինված ընդդիմության մարտիկները՝ Թուրքիայի մի քանի հարյուր հատուկջոկատայինների և հրետանային ստորաբաժանումների մասնակցությամբ:

http://www.ermenihaber.am/am/news/2016/11/06/%D4%B9%D5%B8%D6%82%D6%80%D6%84%D5%AB%D5%A1/93332