Թուրքիայում ասորական գերեզմանոց է պղծվել

Թուրքիայի Ադըյաման քաղաքում գտնվող ասորական գերեզմանոցն անհայտ անձանց կողմից հարձակման է ենթարկվել:

Ըստ «Demokrathaber.com» լրատվական կայքի՝ գերեզմանոցի վրա հարձակումը տեղի է ունեցել նախօրեին, երեկոյան ժամերին:

Ըստ աղբյուրի՝ հարձակման ընթացքում կոտրվել են գերեզմանների քարերը: Ընդհանուր առմամբ` պղծվել է 10 գերեզման:

Նշենք, որ Ադըյամանի ասորական եկեղեցուն կից գերեզմանոցը նմանատիպ հարձակման ենթարկվել էր նաև 2006 թվականին:

Ermenihaber.am