Գերմանիայի իշխող Քրիստոնեա-դեմոկրատական միության (CDU) կուսակցության արտաքին քաղաքականության հարցով խոսնակ Նորբերթ Ռյոթգենը հայտարարել է, որ «Ջումհուրիեթ» պարբերականի աշխատակիցների և լրագրողների ձերբակալությունները Թուրքիայի նախագահ Ռեջեփ Թայիփ Էրդողանի քաղաքականության հետևանքն են:
Այս մասին տեղեկացնում է գերմանական Deutsche Welle պարբերականը:
«Թուրքիայի նախագահ Էրդողանը շարունակում է իր քննադատների համակարգված կերպով մաքրելու քաղաքականությունը»,- նշել է Ռյոթգենը` փաստելով, որ Էրդողանն այդ կերպ աստիճանաբար հեռանում է Եվրոպայից:
«Եվրոպական երկրները և Գերմանիայի կառավարությունը պետք է բարձրաձայնեն իրենք դժգոհությունը Թուրքիայի կողմից Եվրոպայի հիմնարար սկզբունքները խախտելու հարցի շուրջ»,- ասել է կանցլեր Անգելա Մերկելի ղեկավարած կուսակցության արտաքին քաղաքականության հարցով խոսնակը:
Armenpress.am
Leave a Reply