Թուրքիայում ընդդիմադիր “Cumhuriyet” (Ջումհուրիյեթ) պարբերականի դեմ գործողությունների շրջանակներում ոստիկանները ձերբակալել են պարբերականի խորհդատու, հայտնի լրագրող Քադրի Գյուրսելին։
Թուրքական “Milliyet”-ի փոխանցմամբ՝ ոստիկանները, դատախազության հրահանգով, Թուրքիայում ահաբեկչական համարվող գյուլենականներին ու Քուրդիստանի բանվորական կուսակցությանն աջակցելու մեղադրանքով ձերբակալել են “Cumhuriyet” պարբերականի 13 աշխատակցի, այդ թվում` գլխավոր խմբագրին ու պարբերականի խորհրդատու Քադրի Գյուրսելին։
Նշենք, որ Քադրի Գյուրսելը բավականին շատ հոդվածներ է գրել հայ-թուրքական հարաբերությունների կարգավորման օգտին։ Հոդվածներից մեկում նա ադրբեջանցիներին խորհուրդ էր տվել մոռանալ Ղարաբաղը։ Քադրի Գյուրսելը Երեւան այցի ժամանակ ծաղիկներ է դրել Հայոց ցեղասպանության հուշահամալիրում։
Leave a Reply