Թուրք գործարարը վերականգնել է հայկական գերեզմանը

Թուրքիայի Սվաս (Սեբաստիա) նահանգի Զառայի շրջանում նախորդ տարի «Հայճար»–ի (Հայ ճարտարապետների ու ճարտարագետների միություն) կողմից հայտնաբերված հայկական գերեզմանոցը վերականգնվել ու խնամվել է։

Ինչպես տեղեկացնում է Ստամբուլի հայկական «Ակoս»–ը, Սեբաստիայի Զառայի շրջանում հայկական գերեզմանը հայտնաբերվելուց հետո Զառայի բնակիչ, գործարար Ֆեթհի Արասի հովանավորությամբ տեղի են ունեցել վերականգնման ու խնամքի աշխատանքներ։

Հոկտեմբերի 29–ին, տեր Զոհրապ Ջիվանյանի գլխավորությամբ տեղի է ունենալու Զառայի հայկական գերեզմանի բացման արարողությունը։

Նշենք, որ Զառայում մինչ 1915–ը հոծ հայ բնակչություն է ապրել։

http://news.am/arm/news/354234.html