ԵՐԵՒԱՆ, «Երկիր».- Հայաստանի արտաքին գործոց նախարարութիւնը կը տեղեկացնէ, թէ Սպանիոյ Մալակա քաղաքապետական խորհուրդը միաձայնութեամբ վաւերացուցած է յայտարարութիւն մը, որով պաշտօնապէս կը ճանչնայ եւ կը դատապարտէ Հայոց Ցեղասպանութիւնը:
Վաւերացուած յայտարարութեան մէջ, նախորդ դարասկիզբին տեղի ունեցածը կը բնորոշուի իբրեւ մարդկութեան դէմ ոճիր, որուն իբրեւ հետեւանք՝ ձեւաւորուեցաւ Հայկական Սփիւռքը:
Մալակայի քաղաքապետական խորհուրդը նաեւ իր զօրակցութիւնը յայտնեց աշխարհասփիւռ հայութեան՝ միաժամանակ նշելով, որ մօտակայ ժամանակաշրջանին քաղաքապետարանը Մալակայի կեդրոնական զբօսայգիին մէջ պիտի տեղադրէ հայկական խաչքար մը՝ նուիրուած Հայոց Ցեղասպանութեան զոհերու յիշատակին:
Asbarez.com
Leave a Reply