Թուրքիայում գործող «Օսմանյան օջախներ 1453» կազմակերպության նախագահ Էմին Ջանփոլադը հանրությանն է դիմել հետևյալ կոչով. «Զինվե՛ք հանուն հայրենիքի, հանուն դրոշի, հանուն Էրդողանի»: Սույն կոչը սոցցանցերում բազմաթիվ արձագանքներ է ստացել “#AkSilahlanma” թվիթերյան պիտակի տակ: Այդ մասին, ըստ Akunq.net-ի, հայտնում է թուրքական “Oda.tv” կայքը:
Աղբյուրի համաձայն` այս կոչին մասնավորապես արձագանքել է Թուրքիայում իշխող Արդարություն և զարգացում կուսակցության երիտասարդական թևը, որը շեշտել է զինվելով պարամիլիտար ուժեր կազմավորելու անհրաժեշտության մասին:
Իսկ Անկարայի քաղաքապետ Մելիհ Գյոքչեքը մի հեռուստահաղորդման ժամանակ նշել է. «Ես բոլոր հեռուստահարցազրույցներիս ընթացքում խոսում եմ դրա մասին, որպեսզի այդ շարժումն օրինական դառնա: Եթե դու վաղը փորձես հեղաշրջում անել, ու քո ձեռքին հրացան լինի, այս մարդիկ էլ որսորդական հրացանով քո դեմ դուրս կգան և չեն էլ խղճա: Արդեն հասկացել են, որ ամբողջ աշխարհը մեզ խաբելու համար համապատասխան միջավայր է ստեղծում: Ի՞նչ է, մեր քաղաքացիները պիտի սպասեն, որ հեղաշրջում լինի, և իրենց սպանե՞ն»:
Akunq.net-
Leave a Reply