Թուրքիայի «Հայ փոքրամասնության միության» նախագահ Ազիզ Դաղջըն տեղեկացրել է, որ թուրք գանձախույզների նոր թիրախ են դարձել Բիթլիս նահանգի Մուտքի շրջանի Քովանլը գյուղում գտնվող հայկական Սուրբ Մարիամ Աստվածածին եկեղեցին և հարակից հայկական գերեզմանները:
Ինչպես հաղորդում է «Timeturk» լրատվամիջոցը, Դաղջըն ասել է, որ եկեղեցու մոտ և գերեզմաններում մինչև 3 մետր խորությամբ հորատումներ են արվել: Աղբյուրը հիշեցնում է, որ նախկինում նմանատիպ դեպք պատահել էր նաև Սասունի և Մուշի որոշ տարածքներում: Այդ ժամանակ «Հայ փոքրամասնության միություն»-ը դիմել էր դատախազություն:
Ըստ Դաղջըի` գանձախույզնեը թիրախավորել են Բիթլիսում և նրա շրջաններում Թուրքիայի հայ փոքրամասնությանը պատկանող եկեղեցին և գերեզմանները: Նրանք փորձել են, ոսկի կամ պատմական արժեքավոր գտածոներ հայտնաբերել: Դաղջըն պատկան մարմիններին կոչ է արել համապատասան միջոցներ ձեռնարկել՝ նմանատիպ վանդալիզմը կասեցնելու և կանխելու համար:
Ermenihaber.am
Leave a Reply