Թուրքիան մինչեւ վերջ պիտի աջակցի ԼՂ խնդիրի կարգաւորման այն տարբերակին, որ կը համապատասխանէ Ատրպէյճանի շահերուն. թուրք դեսպան

Ատրպէյճանի մէջ Թուրքիոյ դեսպան Իսմայիլ Ալփեր Ճոշկունը լրագրողներու հետ զրոյցի մը ընթացքին անդրադարձած է Ղարաբաղեան հակամարտութեան թեմային եւ նշած, որ «Թուրքիան մինչեւ վերջ պիտի աջակցի կարգաւորման այն տարբերակին, որ կը համապատասխանէ Ատրպէյճանի շահերուն», այս մասին, ըստ Artsakhpress.am-ի, յայտնած է ԱՊԱ գործակալութիւնը:

Ան նշած է, որ Թուրքիան յոյսով է` Լեռնային Ղարաբաղի հակամարտութիւնը պիտի կարգաւորուի մօտ ժամանակներս` խաղաղ ճանապարհով:

«Մենք կ՝ողջունենք բանակցութիւնները, եթէ անոնք կը ծառայեն հակամարտութեան կարգաւորման: Թուրքիան մինչեւ վերջ պիտի աջակցի կարգաւորման այն տարբերակին, որ կը համապատասխանէ Ատրպէյճանի շահերուն եւ որ ան ճիշդ կը համարէ»,- նշած է դեսպանը:

http://www.yerakouyn.com/?p=112848