Պելճիքայի խորհրդարանը սկսած է Հայոց Ցեղասպանութեան բանաձեւի քննարկումներուն

Պելճիքայի խորհրդարանի Ներկայացուցիչներու տան Բարեփոխական շարժում խմբակցութեան առաջնորդ Տենի Տիւքարմ իր խօսքին մէջ յայտարարած է, թէ երկրի վարչապետը յստակ կերպով ըսած է, որ կը ճանչնայ Հայոց Ցեղասպանութիւնը: «Անոնք սպաննուեցան, քանի որ հայ էին», հաստատած է ան։

Ընկերվարական Սթեֆան Քրուզնիըրը ընդգծած է, թէ իր կուսակցութիւնը միշտ ճանչցած է Ցեղասպանութիւնը, սակայն կը կարծէ, թէ պէտք է հաշտութիւն հաստատուի։ Իսկ Ֆլամանտական ժողովրդական շարժում կուսակցութեան պատուաւոր նախագահ, երեսփոխան Փիթըր տը Ռուվեր ամպիոն բարձրացած է անմոռուկով:

Նշենք, որ աւելի կանուխ, բանաձեւի նախագիծը ընդունած էր Պելճիքայի խորհրդարանի Արտաքին յարաբերութիւններու յանձնաժողովը:

http://www.yerakouyn.com/?p=86289