Պայթյուններ Թուրքիայում հայամետ կուսակցության երթի ժամանակ. կան զոհեր և բազմաթիվ վիրավորներ

Թուրքիայի Դիարբեքիր քաղաքում երկու պայթյուն է տեղի ունեցել Ժողովուրդների ժողովրդավարական կուսակցության նախընտրական երթի ժամանակ, որոնց հետևանքով, ըստ Russia Today-ի վերջին տվյալներով, կան առնվազն 2 զոհ և 153 վիրավոր, և այդ թիվը շարունակում է աճել:

Ցույցին տասնյակ հազարավոր մարդիկ են մասնակցել: Պայթյուններից հետո առաջացած խուճապի ֆոնին տեղի են ունեցել բախումներ ոստիկանության հետ:

Կուսակցության ղեկավար Սելահաթթին Դեմիրթաշը կատարվածը սադրանք է անվանել և խնդրել է հանգստություն պահպանել:

Ժողովուրդների ժողովրդավարական կուսակցությունը հայտնի է իր քրդամետ և հայամետ դիրքորոշումներով: Նախօրեին կուսակցության փոխնախագահը խոստացել էր հաջողության դեպքում ճանաչել Հայոց ցեղասպանությունը:

Նախնական գնահատմամբ` կուսակցությունը ընտրություններին կարող է ստանալ ձայների 27 տոկոսը: Իշխող կուսակցության համար կանխատեսվել է ձայների 41 տոկոս:

Խորհրդարանական ընտրությունները Թուրքիայում կկայանան հունիսի 7-ին:

http://www.tert.am/am/news/2015/06/05/diarbekir-blasts/1698240