Թուրքիայում հայկական եկեղեցու պատին Դինքի սպանողին են գովերգել

Ստամբուլի Բաքըրքյոյի հայկական Սուրբ Աստվածածին եկեղեցու պատին շարունակում են հակահայկական գրություններ անել։
Ինչպես տեղեկացնում է Ստամբուլի հայկական «Ակօս»-ը, օրեր առաջ Սուրբ Աստվածածին եկեղեցու պատին արված «Եթե դուք բոլորդ հայ եք, միեւնույնն է` մեզնից ամեն մեկը Սամասթ է», գրությունը մաքրելուց հետո նույն տեղում այլ գրություն է հայտնվել։ Այս անգամ անհայտ անձը կամ անձիք գրել են «1915՝ օրհնյալ տարի» գրությունը։
Եկեղեցու հիմնադրամի նախագահ Մեսութ Օզդեմիրը նշել է, թե եկեղեցու պատը մարդաշատ վայրում է, որի պատճառով հնարավոր չէ գտնել գրողին։
http://news.am/arm/news/258949.html