Սթամպուլի հայերը Շիշլիի հայկական գերեզմանատան սեփականութեան իրաւունք ստացած են

Սթամպուլի Շիշլի թաղամասին վրայ 700 միլիոն թրքական լիրայ (շուրջ 286 միլիոն ԱՄՆ տոլար) արժողութեամբ պատմական հայկական գերեզմանատան տարածքի սեփականութեան իրաւունքը 80 տարի անց վերադարձուած է Պէյօղլուի Սուրբ Երրորդութիւն հայկական եկեղեցւոյ հիմնադրամին: Այս մասին կը հաղորդէ Armenpress.am-ը՝ վկայակոչելով թրքական «Վաթան» պարբերականը:
Հայկական պատմական գերեզմանատունը ունի 41 հազար 950 քառակուսի մեթր տարածք: Սուրբ Երրորդութիւն հայկական եկեղեցւոյ հիմնադրամը Շիշլիի հայկական Գրեգորեան գերեզմանատան տարածքի վերադարձին համար Հիմնադրամներու գլխաւոր վարչութեան դիմած էր դեռ 2011 թուականին: Հայկական հիմնադրամի ներկայացուցիչ Սիմոն Չէքեմը նշած է, որ կայացուած որոշումը շատ ուրախացուցած է զիրենք:
Թէեւ նախապէս գերեզմանատան սեփականութեան փաստաթուղթերը չեն եղած հայերուն մօտ: Թուրքիոյ հիմնադրամներու գլխաւոր վարչութիւնը 2012 թուականին Շիշլիի` 40 հազար 500 քառակուսի մեթր տարածք ունեցող հայ կաթոլիկներու գերեզմանատունը վերադարձուցած էր Սուրբ Յակոբ հիւանդանոցի հիմնադրամին, իսկ 42 հազար քառակուսի մեթր այլ տարածք մը, որուն մէջ եղած է նաեւ Զէյթինպուրնուի մարզադաշտը, վերադարձուցած էր Սուրբ Փրկիչ հայկական հիւանդանոցի հիմնադրամին:
http://www.yerakouyn.com/?p=71489