Թուրքիան և Իրաքի քրդերը գաղտնի նավթային համաձայնագիր են կնքել

Իրաքի Քրդստանից նավթն ու գազը շուտով Թուրքիայի միջոցով նավթագազամուղներով կարտահանվի, հայտնում է Al Jazeera-ն` նշելով, որ Թուրքիայի և Իրաքի քրդերի միջև գաղտնի համաձայնագիր է կնքվել:

Դա տեղի է ունեցել չորեքշաբթի օրը` Քրդստանի վարչապետ Նեչիրվան Բարզանիի և Թուրքիայի իր պաշտոնակից Ռեջեփ Թայիփ Էրդողանի 3-ժամյա հանդիպումից հետո:

Աղբյուրը նկատում է, որ դա կարող է բարկացնել Բաղդադին, որն իր հավակնություններն ունի Իրաքի բոլոր նավթային ռեսուրսների նկատմամբ: Իսկ նման համաձայնագիրը ոտնձգություն կհամարի իր ինքնիշխանության դեմ:

Նախատեսվում է, որ մինչև 2015-ն օրական 1 մլն բարել նավթ կարտահանվի, իսկ գազի արտահանումը կսկսվի 2017-ի սկզբին:

 http://www.tert.am/am/news/2013/11/29/secret-oil-deal/