Թուրքիայի արտգործնախարար Ահմեթ Դավութօղլուն վերջերս հայտարարել էր, որ հայ-թուրքական հարաբերությունների վերաբերյալ «որոշ կառուցողական գաղափարներ, նոր մտահղացումներ ունեն»։ Թուրքական Sabah օրաթերթի կայքը, հիմնվելով դիվանագիտական աղբյուրների վրա, ներկայացրել է այդ «մեսիջի» մանրամասները։
Անկարան Կովկասում խաղաղության հաստատման համար նոր ճանապարհային քարտեզ է ներկայացրել՝ հիմնված Դավութօղլուի՝ ԱՄՆ-ում ունեցած բանակցությունների և Էրդողան-Պուտին հանդիպման վրա։
Ըստ այդմ՝ Հայաստանի կառավարությունն Ադրբեջանի հետ «խրոնիկ դարձած» հարցի՝ ԼՂ հակամարտության շրջանակներում բանավոր համաձայնություն է տվել երկու շրջաններից դուրս գալու վերաբերյալ, սակայն Թուրքիան Երևանից պահանջում է պաշտոնական հայտարարություն անել այդ կապակցությամբ։
Եթե երկու շրջանները հանձնելու մասին հայտարարություն տեղի ունենա, Դավութօղլուն դեկտեմբերի 12-ին Սևծովյան տնտեսական համագործակցության կազմակերպության գագաթաժողովի շրջանակներում կայցելի Երևան։
Tert.am
Leave a Reply