Ինչպես արդեն հաղորդել էինք, անցած շաբաթ թուրքական «Սթար» հեռուստաալիքի եթերով հեռարձակվող «Թուրքիայի ձայնը» («O ses Türkiye») նախագծին մասնակցած հայազգի Ջորչ Շեքերը թուրք ժյուրիին հիացրել էր իր ելույթով: Ահա երեկ Ջորչը երկրորդ անգամ է բեմ բարձրացել՝ պայքարի մեջ մտնելով նախագծի մյուս երկու մասնակիցների՝ Սոյհան Բիլգեերի և Այլա Բայլեմեզի հետ: Էբրու Գյունդեշի գլխավորած թիմի անդամները կատարել են «Son Yolcu» («Վերջին ճամփորդը») երգը: Էբրու Գյունդեշը դժվար որոշման առաջ է կանգնել և երկար մտորումներից հետո իր նախապատվությունը տվել է Սոյհան Բիլգեերին: Այսպիսով բոլորի սիրելին դարձած Ջորչը, ցավոք, լքել է նախագիծը:
Նշենք, որ նախագծի առաջին փուլում հայազգի մասնակցի ելույթից հետո ժյուրին հետաքրքրվել է, թե ինչու Ջորչը օտար անուն ունի՝ ենթադրելով, թե նրա հայրը թուրք է, իսկ մայրը արտասահմանցի: Սակայն Ջորչը նշել է, որ հայկական ընտանիքից է, և ծնողները հայ են:
Leave a Reply