Թուրք իրավաբանը հուշում է, թե ինչպես կարող են հայերը վերադարձնել իրենց պատկանող սեփականությունը

Թուրք իրավաբան Ալի Էլբեյօղլուն մտադիր է գիրք հրատարակել` «Հայերի լքված սեփականության վերաբերյալ թուրքական օրենքի» (Emval-i Metruke) մասին: Էլբեյօղլուն հնարավորություն է ունեցել ուսումնասիրել վերոնշյալ օրենքի վերաբերյալ թուրքական կառավարության արխիվում գտնվող փաստաթղթերը: Այս մասին գրում է թուրքական «Hurriyet Daily News»-ը (հոդվածագիր` Վերջիհան Զիֆլիյան):

Նա նշել, որ հայերը իրենց պատկանող անշարժ գույքը վերադարձնելու համար Թուրքիայի դեմ դատական հայց պետք է ներկայացնեն ոչ թե այլ երկրներում, այլ հենց թուրքական դատարանում: Օրինակ բերելով ամերիկահայերի` Ադանայի Ինջիրլիք ռազմաբազայի տեղակայման տարածքում ունեցած սեփականության վերադարձման պահանջը, որը նրանք ներկայացրել էին ամերիկյան դատարանին, Էլբեյօղլուն նշել է, որ նրանք հաջողություն կունենային, եթե այս դատավարությունը տարվեր Թուրքիայում:

Ըստ նրա` Ցեղասպանության 100-ամյակը լավ առիթ է, որ Թուրքիայի դեմ նմանատիպ հայցեր ներկայացվեն, և Թուրքիան էլ պետք է հաշվի նստի այս ամենի հետ, եթե ցանկանում է լինել ժողովրդավար երկիր:

Նա ասել է, որ այս հարցը վերաբերում է ոչ միայն հայերին, այլ նաև հույներին, ասորիներին և նույնիսկ մի խումբ մահմեդական թուրքերին:

http://ermenihaber.am/?lang_id=2&news_=4&cur_news=1284