Հայոց ցեղասպանության 100-րդ տարելիցին ընդառաջ Լիբանանում նորոգվում են հայկական հուշարձանները

Մեծի Տանն Կիլիկիո կաթողիկոսությունը Հայոց ցեղասպանության 100-րդ տարելիցի առիթով բազմաբնույթ ծրագրեր է մշակում: Ինչպես հաղորդում է «Արմենպրես»-ը’ վկայակոչելով կաթողիկոսության պաշտոնական կայքը, այդ ծրագրերի շարքում կարևոր տեղ է զբաղեցնում Անթիլիասի մայրավանքի Նահատակաց հուշարձանի վերանորոգումը, Բիքֆայայի վանքի Վերածննդյան հուշարձանի տարածքի ընդլայնումը և բարեկարգումը, Նահատակաց խորանի շինությունը և Ժիպեյլի «Թռչնոց բոյն»-ում ցեղասպանության ու որբերի թանգարանի շինությունը:

Հիշյալ ծրագրերի շինարարական աշխատանքներն ընթանում են բնականոն հունով` Արամ Առաջին վեհափառ հայրապետի ու կաթողիկոսարանի ճարտարապետական հանձնախմբի անմիջական հովանավորությամբ: Ծրագրերի շրջանակում արդեն ավարտվել է Նահատակաց խորանի շինությունը, որի բարերարներն են տեր և տիկին Արթուր ու Թամար Նազարյանները, իսկ մնացած աշխատանքներն ընթացքի մեջ են: Մյուս աշխատանքների բարերարներն են տեր և տիկին Ալեքո ու Անի Պեզիքյանները, նրանց որդիները՝ Արամ եւ Զարեհ Պեզիքյանները:

Մի քանի օր առաջ վեհափառ հայրապետը տեր և տիկին Ալեքո և Անի Պեզիքյանների ու ճարտարապետների ընկերակցությամբ այցելել են նշված վայրեր և հետաքրքրվել կատարվող աշխատանքներով:

http://neonews.am/hy_AM/news/article/view/10/37076/