Թուրքական «Միլիյեթում» հրապարակվել է Ադրբեջանի նախագահի ադմինիստրացիային առնթեր գործող քաղաքական վերլուծությունների և տեղեկատվության գրասենյակի տնօրեն Էլնուր Ասլանովի հոդվածը թուրք–ադրբեջանական հարաբերությունների զարգացման, դրանց ապագայի մասին, որոնց համատեքստում նա անդրադարձել է նաև Լեռնային Ղարաբաղի հակամարտության հարցին:
«Այսօր վստահությամբ կարող ենք նշել, որ պատմական բոլոր փորձություններից հաջողությամբ դուրս եկած թուրք-ադրբեջանական բարեկամությունը, եղբայրությունը և համագործակցությունը բխում է մեր ժողովուրդների կամքից: Մեր հարաբերությունների հիմքում ընկած է երկու երկրների եղբայրական փոխընկալումը: Հայաստանի և Թուրքիայի միջև առկա Լեռնային Ղարաբաղի հարցի լուծման գործում Թուրքիան միշտ հաստատակամ է և պաշտպանելով իրավացի կողմին` միշտ եղել է Ադրբեջանի կողքին, միշտ աջակցել է նրա միջազգային և տարածաշրջանային կազմակերպություններին: Այս ոգով էլ Թուրքիան Ղարաբաղի օկուպացիային վերջ դնելը սկզբունքորեն նախապայման է համարում հայ-թուրքական սահմանի բացման համար՝ ցույց տալով իր վճռական քաղաքականությունը: Այս մոտեցումը մեր կողմից դրականորեն է ընդունվել»,-գրում է Ասլանովը:
Leave a Reply