Դավութօղլուին Հայաստանի թեմայով «զրո» են նշանակել Թուրքիայի մեջլիսում

Թուրքիայի արտգործնախարար Ահմեդ Դավութօղլուին Թուրքիայի խորհրդարանի բյուջետային հանձնաժողովում ծանր դրության մեջ են դրել Թուրքիայի արտաքին քաղաքականության ձախողումների համար։

Թուրքական Vatan պարբերականի փոխանցմամբ՝ Թուրքիայի ազգային ժողովի բյուջետային հանձնաժողովի ընդդիմադիր Ժողովրդահանրապետական (CHP) կուսակցության պատգամավորները հատուկ պատրաստված են ներկա գտնվել երկրի արտաքին գերատեսչության ղեկավարի հետ հանդիպմանը։

Ընդդիմադիր պատգամավորները Թուրքիայի արգործնախարարի աշխատանքը գնահատելու համար աշակերտների համար նախատեսված օրագրի պես ցուցատախտակ են պատրաստել, որի վրա գրված են երկրների անունները եւ Դավութօղլուի գնահատականը` այդ երկրների հետ հարաբերությունների համար։

Մասնավորապես, Դավութօղլուն Հայաստանի, Եգիպտոսի, Լիբիայի համար ստացել է 0, Իրաքի եւ ԵՄ-ի հետ հարաբերությունների համար՝ 1, Իրանի, Ալժիրի եւ Թունիսի համար՝ 2, Ադրբեջանի համար՝ 4 եւ ամենասարսափելի գնահատականը ստացել է Սիրիայի համար՝ -5։

http://news.am/arm/news/182136.html