Թուրքիայում Սայաթ Նովայի մասին վավերագրական ֆիլմ կնկարահանվի

Թուրքիայում գործունեություն ծավալող «Tursu.tv» կայքը նոր նախագիծ է սկսում, որի շրջանակներում նկարահանվելիք վավերագրական ֆիլմը պատմելու է տարածաշրջանում հայտնի հայկական երաժշտական գործիքի՝ քամանչայի և այդ գործիքը այս տարածաշրջանում տարածած մեծ երգահան, աշուղ Սայաթ Նովայի մասին:

Նկարահանումները կատարվելու են Վրաստանում, Ադրբեջանում, Իրանում, Թուրքիայում և Հայաստանում:

Թուրքական «Դեմոկրատ հաբեր»-ի հաղորդմամբ՝ 5 երկրների մասնագետների ու արվեստագետների մասնակցությամբ նկարահանվող վավերագրական ֆիլմը նախատեսվում է ավարտվել 2014 թվականի մարտին:

Թերթը հիշեցնում է նաև, 2012-ին Թուրքիայի մշակույթի նախարարությունը հայտարարել էր, որ Սայաթ Նովայի 300 ամյակին նվիրված գրքի հրատարակման մտադրության մասին՝ ավելացնելով, որ 1 տարի է արդեն անցել, սակայն այդ ուղղությամբ որևէ աշխատանք չի կատարվել:

Ֆիլիմի նկարահանումների նախաձեռնող խմբի անդամներն են. պրոդյուսեր՝ Արիս Նալջը, ռեժիսոր՝ Էրհան Արըք, օպերատոր՝ Արամ Դիլդար, խորհրդատուներ՝ Պողոս Եղիազար և Բագրատ Էսթուքյան:

http://ermenihaber.am/?lang_id=2&news_=5&cur_news=390