Այա Սոֆիան մզկիթի վերածելու Թուրքիայի ցանկությանը Հունաստանը կոշտ արձագանք է տվել

Հունաստանի արտգործնախարարության խոսնակ Կոստանտինոս Կուտրասը հայտարարել է, որ երկիրը դեմ է Այա Սոֆիան մզկիթի վերածելուն։

Ինչպես տեղեկացնում է «Ակօս» կայքը, հույն պաշտոնյան նշել է, որ քրիստոնյա բյուզանդացիների տաճարներն աշխարհի մշակութային և կրոնական ժառանգության անբաժան մասն են, և դրա հանդեպ հարգանք պետք է ցուցաբերվի, դրանք պետք է պահպանվեն։

«Քրիստոնյա բյուզանդացիների տաճարը մզկիթի վերածելու մասին թուրք պաշտոնյաների կրկնվող հայտարարությունները վիրավորում են միլիոնավոր քրիստոնյաների կրոնական զգացումները, և ԵՄ-ին անդամակցել ցանկացող մի պետության կողմից անհասկանալի և դարին չհամապատասխանող քայլ է։ Բյուզանդական տաճարներն աշխարհի մշակութային և կրոնական ժառանգության անքակտելի մասն են, և դրանք պետք է հարգել ու պահպանել»,-ասել է Հունաստանի ԱԳՆ խոսնակը։

http://www.tert.am/am/news/2013/11/20/aya-sofya/