Թուրքիան հայտարարել է, թե Ղարաբաղյան հակամարտության հարցում ԱՄՆ-ի և Թուրքիայի դիրքորոշումը նույնն է

Թուրքիայի արտգործնախարար Ահմեդ Դավութօղլուն նշել է, որ Թուրքիան և ԱՄՆ-ն մոտենում են Ղարաբաղյան հակամարտության կարգավորման խնդրին միևնույն տեսակետից: Այս մասին երեքշաբթի օրը հայտնում է Anadolu գործակալությունը` հղում կատարելով ԱՄՆ-ի կատարած այցի ժամանակ արտգործնախարար Դավութօղլուի արած հայտարարությանը:

«Հուսով ենք, որ Լեռնային Ղարաբաղի խնդիրը մոտ ժամանակներս կլուծվի, և դրանով Կովկասյան տարածաշրջանում կայունություն կհաստատվի»,- մասնավորապես հայտարարել է Դավութօղլուն:

http://lurer.com/?p=122078&l=am