Թուրքիայի արտաքին գործերի նախարար Ահմեթ Դավութօղլուն դեկտեմբերին կարող է Երևան այցելել։ Մասնավորապես, թուրք նախարարը կարող է մասնակցել Սևծովյան տնտեսական համագործակցության կազմակերպության (ՍԾՏՀԿ) հերթական նիստին, որը կայանալու է Հայաստանում։
Թուրքական «Զաման» պարբերականի տվյալներով՝ Դավութօղլուն արդեն համապատասխան հրավեր է ստացել՝ դեկտեմբերի 12-ին Երևանում կայանալիք ՍԾՏՀԿ-ի նիստին մասնակցելու համար։
Ըստ նույն աղբյուրի՝ Դավութօղլուի այցը կապված է նաև Հայաստանի և Ադրբեջանի նախագահների հանդիպման արդյունքներից, որը կայացել է նոյեմբերի 19-ին Վիեննայում։
Դեռ հայտնի չէ, թե արդյոք Դավութօղլուն մասնակցելու է, սակայն թուրքական աղբյուրը մասնակցության հավանականությունը բարձր է գնահատում։
allTurkey.am
Leave a Reply