Լռությունը սխալ է թե՛ բարոյական, թե՛ քաղաքական տեսանկյունից. Հասան Ջեմալ

Օսմանյան կայսրության ծովային նախարար, Հայոց ցեղասպանության գլխավոր հանցագործներից Ջեմալ Ահմեդ փաշայի թոռը՝ լրագրող Հասան Ջեմալը, կարծում է, որ 2015թ. ընդառաջ Թուրքիան պետք է ներողություն խնդրի հայերից:

Թուրքական T24  կայքում հրապարակված հոդվածում Հասան Ջեմալը թվարկում է բոլոր այն քայլերը, որոնք պետք է կատարի Թուրքիան` Հայոց ցեղասպանութան 100-րդ տարելիցին ընդառաջ:

Հասան Ջեմալի համոզմամբ՝ Թուրքիան պետք է խախտի լռությունը և անդրադառնա հայերի հետ տեղի ունեցած ցավալի իրադարձություններին:

«Լռությունը սխալ է թե՛ բարոյական և թե՛ քաղաքական տեսանկյունից»,- գրել է Ջեմալը:

Հասան Ջեմալը կարծում է, որ Թուրքիան պետք է բացի Հայաստանի հետ սահմանը, դիվանագիտական հարաբերություններ հաստատի նրա հետ, և այդ ամենն անի առանց նախապայմանների:

«Թուրքիան որպես պետություն պետք է ներողություն խնդրի հայերից կամ էլ այնպիսի քայլեր անի, որ հասկանալի լինի՝ նա ցանկանում է ներողություն խնդրել»,- գրել է Հասան Ջեմալը՝ նշելով, որ որպես պետություն՝ Թուրքիան պետք է հասկանա 1915թ. հայերի ապրած ցավերը (խմբ.՝ Հայոց ցեղասպանություն): Ավելին՝ թուրք լրագրողն առաջարկում է փոխել պատմության դասագրքերը և աշխատանք իրականացնել Հայաստանի և Սփյուռքի հետ:

«Տեսնես՝ Թուրքիայի վարչապետ Էրդողանը 1915թ. Հայկական հարցին անդրադառնալիս կրկի՞ն կվերածվի իթթիհատականի ու քեմալականի»,- գրել է թուրք լրագրողը:

Հասան Ջեմալը հրապարակայնորեն ճանաչել է Հայոց ցեղասպանությունը: Նա հեղինակել է «1915. Հայոց ցեղասպանություն» գիրքը, որը մեծ արձագանք է գտել Թուրքիայում և վաճառվել է մեծ տպաքանակով:

http://civilnet.am/2013/11/14/hasan-cemal-article-armenian-genocide