Վերջերս Ստամբուլում կայացած «Իսլամացած հայերը» կոնֆերանսի վերջին օրը տեղի ունեցած «Թոռներ» ֆորումի ժամանակ Համշենական մշակույթի ուսումնասիրության և պահպանության «Հատիկ» միության ներկայացուցիչ Հիքմեթ Աքչիչեքը խոսել է համշենցիների ինքնության փնտրտուքների մասին: Աքչիչեքը նշել է, որ Թուրքիայում բնակվող համշենցիները 300-350 տարի է, ինչ ապրում են որպես մահմեդականներ, նրանց մեծ մասը յուրացրել է իսլամական ինքնությունը, սակայն նրանց մահմեդականությունը ամենևին էլ մոլեռանդ իսլամը չէ:
«Թուրքիայում ապրող համշենական համայնքի մի կարևոր զանգված, մերժելով իր հայկական արմատները, էթնիկական տեսանկյունից իրեն համարում է թուրք ժողովրդի մի մասը: Նրանց համար հայերը հնում հարևան եղած, իսկ ավելի հազվադեպ էլ ամուսնության ճանապարհով բարեկամ դարձած մի հանրություն են: Իսլամացած հայեր լինելու գաղափարն ընդունող համշենցիների համար էլ, որպես պատմական, սոցիալական և քաղաքական պայմանների անհրաժեշտ հետևանք, այսօր հայկական ինքնության մասին խոսելը շատ իրատեսական չէ: Եվ հայկական ինքնությունն ընդունողների, և այն ժխտողների համար այսօր համշենական ինքնությունն ավելի գերակա է»,-նշել է Աքչիչեքը:
Leave a Reply