Թուրքիայում դարձյալ ցանկանում են փոխել հայկական պատմական բնակավայրերի անվանումները

Թուրքիայի քրդական Խաղաղություն և ժողովրդավարություն կուսակցության պատգամավոր Հալիլ Աքսոյն առաջարկել է փոխել Աղրի (Արարատ) շրջանի անվանումը՝ այն դարձնելով Ագիրի, տեղեկացնում է CNNturk-ը։

Նույն կուսակցությունից Ալթան Թանն էլ խորհրդարան է ներկայացրել օրինագիծ, համաձայն որի նախատեսվում է փոխել Էրզրումի անունը՝ այն դարձնելով Էրզերոմ։

Պատգամավորների առաջարկներում նշվում են նաև այլ բնակավայրեր, որոնց անվանումներն առաջարկվում է փոխել և «քրդական երանգ հաղորդել»։

Հիշեցնենք, որ ավելի վաղ առաջարկ էր հնչել Վան քաղաքի անունը Ուան տարբերակով փոխելու վերաբերյալ։

http://www.tert.am/am/news/2013/11/08/erzrum-ararat/