Անկարան խուսափում է «Խոջալուի ցեղասպանության թանգարան» բացելուց

Անկարայի իշխանությունները մերժել են Քըզըլջըհամամ քաղաքի քաղաքապետարանի առաջարկը՝ թուրքական մայրաքաղաքում «Խոջալուի ցեղասպանության թանգարան» բացելու վերաբերյալ, տեղեկացնում է «Հուրրիյեթը»։

Քաղաքային իշխանությունները չեն ցանկացել «ցեղասպանություն» բառն օգտագործել՝ դիվանագիտական բարդություններից խուսափելու համար։
Դրանով պայմանավորված՝ մայրաքաղաքի ղեկավարությունն առաջարկել է այլ անվանում ընտրել թանգարանի համար։

Թանգարանը կառուցվում է Ադրբեջանի կառավարության աջակցությամբ, «Խոջալու» այգում, և նախատեսվում է բացել փետրվարի 26-ին։

Հնարավոր է՝ թանգարանը վերանվանվի «Ողբերգության թանգարան» կամ նմանատիպ ինչ-որ բան։

http://www.tert.am/am/news/2013/11/05/ankara-khojalu/