Սամաթիայում հայ կնոջ սպանած մարդասպանը միայնակ չի գործել. նրան կին է օգնել

Ստամբուլի Սամաթիա շրջանում 84-ամյա Մարիցա Քյուչուքի սպանության, նույն շրջանում այլ հայ տարեց կանանց վրա իրականացված հարձակումների ու բռնության դեպքերի քննության ընթացքում նոր մանրամասնություն է ի հայտ եկել։

Ինչպես տեղեկացնում է «Ակօս» պարբերականը, ոստիկանները ենթադրում են, որ որպես կասկածյալ ձերբակալված հայ Մուրադ Նազարյանը միայնակ չի եղել, և նրան օգնել է մի կին։ Ոստիկանները սպանված կնոջ տնից վերցված արյան փորձանմուշներում մեկ այլ կնոջ ԴՆԹ-ի են հանդիպել։

Քյուչուքների ընտանիքի փաստաբան Էրեն Քեսքինն ասել է, որ քննության սկզբից ի վեր մտածել են, որ սպանությունը մեկ հոգի չի իրականացրել։

«Սպանությանը գողության նպատակով տեղի չէր ունեցել։ Սպանության առանձնակի դաժանությունը և այն, որ Մարիցա Քյուչուքին այնքան էին ծեծել, որ մարմնում ոչ մի չկոտրված ոսկոր չէր մնացել, ստիպում էր կասկածել, որ դա ատելության հողի վրա է արվել։ Այս վերջին բացահայտումը և այն, որ սպանությանը ևս մեկ մարդ է մասնակցել, ավելացնում են մեր կասկածները»,-ասել է փաստաբանը։

http://www.tert.am/am/news/2013/11/04/samatya-woman/