Նոյեմբերի 5-6 Երևանում ՀՀ ԳԱԱ արևելագիտության ինստիտուտի նախաձեռնությամբ տեղի կունենա «Թուրքիայի Հանրապետության 90 տարին. Աթաթյուրքից` Էրդողան» խորագրով միջազգային գիտաժողով:
Երկօրյա նստաշրջանների աշխատանքներին կմասնակցեն թուրքագետներ, պատմաբաններ, միջազգայնագետներ, բանասերներ, փիլիսոփաներ Հայաստանից, Ռուսաստանից և Թուրքիայից: Նրանք կանդրադառնան Թուրքիայի Հանրապետության 90-ամյա պատմությանը, ներքին և արտաքին քաղաքականության հարցերին, հայ-թուրքական հարաբերություններին և ներկա քաղաքական զարգացումներին վերաբերող հիմնախնդիրներին:
Նստաշրջանի բացմանը ելույթ կունենան` Արևելագիտության ինստիտուտի տնօրեն, ՀՀ ԳԱԱ թղթակից-անդամ Ռ. Սաֆրաստյանը, ՀՀ ԳԱԱ ակադեմիկոս Վ. Բարխուդարյանը:
Գիտաժողովի մեկնարկը կտրվի նոյեմբերի 5-ին ժամը 10:00-ին (մասնակիցների գրանցումը 09:30-ին) ՀՀ ԳԱԱ Նախագահության նիստերի դահլիճում (հասցե՝ Երևան, Մարշալ Բաղրամյան 24, 2-րդ հարկ):
Ծրագիրը` Program:
allTurkey.am
Leave a Reply