Թուրքիայում ձերբակալել են «Բեշիքթաշ»-ի ֆան ակումբի հայազգի առաջնորդ Ալեն Մարկարյանին

27-ի առավոտյան ոստիկանության համաժամանակյա գործողությունների արդյունքում ձերբակալվել են «Բեշիքթաշ», «Գալաթասարայ» եւ «Ֆենեբահչե» ֆուտբոլային ակումբների երկրպագուներ, այդ թվում` ֆան ակումբների առաջնորդներին:

Թուրքական Milliyet-ի փոխանցմամբ՝ Ստամբուլի ոստիկանության կողմից քաղաքի մոտ 200 հասցեներում 500 ոստիկանների ուղեկցությամբ իրականացված խուզարկությունների արդյունքում ձերբակալվել են երեք հայտնի ակումբների 80 երկրպագու: Ձերբակալվածների մեջ  է նաեւ «Բեշիքթաշ»  Çarşı ֆան ակումբի առաջնորդ Ալեն Մարկարյանը:

Թուրքիայում մեծ աղմուկ հանած ձերբակալությունների հետ կապված` Թուրքիայի ՆԳ նախարար Մուամեր Գյուլերը նշել են, թե ձերբակալվածները կասկածվում են երկրպագուների շրջանում կազմակերպված հանցանքներ իրականացնելու մեջ:

Նշենք, որ «Բեշիքթաշ» Çarşı ակումբը հայտնի է հակակառավարական ցույցերին ակտիվ մասնակցությամբ: Վերջին շրջանում Գեզի այգու իրադարձություններում Çarşı ակումբի անդամներն աչքի են ընկել ոստիկանության բռնությունների դեմ խիստ դիմակայությամբ, նույնիսկ ոստիկաններից խլել էին ջրցան մեքենա:

Ալեն Մարկարյանը ծնվել է 1966-ի հունիսի 30-ին Ստամբուլում։ Ղեկավարում է 1982-ին ստեղծված «Բեշիքթաշ» ֆուտբոլի եւ բասկետբոլի ակումբների երկրպագուների  Çarşı ակումբը, որն աշխարհում հայտնի է տրիբունաներում կազմակերպած յուրօրինակ շոուներով։

http://news.am/arm/news/173248.html