Թուրքիայի Անթալիա քաղաքում տղամարդը ցանկացել է կրակի տալ Աթաթուրքի արձանը։
Քաղաքի կենտրոնական Հանրապետության հրապարակում Մ.Ա. անունով քաղաքացին բենզին է լցրել Աթաթուրքի արձանի վրա, ապա փորձել այն կրակի տալ։ Նրանց հաջողվել է այրել արձանի վրա տեղադրված թուրքական դրոշը։ Ոստիկանները հեռացրել են նրան, ապա ձերբակալել։
Տղամարդը նշել է, թե այդ քայլին է գնացել, որպեսզի հանդիպի Թուրքիայի վարչապետ Թայիփ Էրդողանին։ Հանդիպման նպատակի մասին տեղեկություններ չեն նշվում։
Ավելի ուշ պարզվել է, որ տղամարդը տուժել է ավտովթարից, ինչից հետո որոշակի հոգեկան խնդիրներ է ունեցել։
Նշենք, որ Թուրքիայի առաջին նախագահ Մուսթաֆա Քեմալ Աթաթուրքի արձաններ ու պատկերներ կան երկրի ողջ տարածքում, և այն վերածվել է ազգային պաշտամունքի։
allTurkey.am
Leave a Reply