Թուրք պատգամավորն առաջարկում է նախկինում հայերեն անուններ ունեցած բնակավայրերին տալ հին անունը

Թուրքիայի գլխավոր ընդդիմադիր Ժողովրդահանրապետական կուսակցության պատգամավոր Սեզգին Թանրըքուլուն գրավոր հարցադրում է ուղղել Թուրքիայի վարչապետ Ռեջեփ Թայիփ Էրդողանին՝ հարցնելով, թե նա չի՞ մտածում իր հայրենի գյուղը վերանվանել հին անունով։

Թուրքական İnternethaber կայքի փոխանցմամբ՝ ընդդիմադիր Ժողովրդահանրապետական կուսակցության պատգամավոր Սեզգին Թանրըքուլուի՝ վարչապետ Ռեջեփ Թայիփ Էրդողանին ուղղված գրավոր հարցադրման մեջ նշվել է, թե Թուրքիայում մի շարք բնակավայրերի անունները, որոնք հայերեն, վրացերեն, քրդերեն, արաբերեն եւ հունարեն են, փոխել եւ դարձրել են թուրքերեն, սակայն բնակիչները, միեւնույնն է, դրանք անվանում են հին անուններով։

«Մի անծանոթ մարդ, որ լսի, կմտածի, որ երկու տարբեր բնակավայեր են, այնինչ, մի բնակավայրի հին եւ նոր անուններ են դրանք։ Անատոլիայի բազմաթիվ բնակավայրեր դեռեւս շարունակվում են հին անուններով կոչվել, թեեւ կա դրանց նոր անվանումը։ Չնայած այդ բնակավայրերի բնակչության էթնիկ կազմը փոխվել է, սակայն անվանումները նույնն են մնացել։

Այս համատեքստում, պարո’ն վարչապետ, չե՞ք մտածում ձեր` Դումանքայա անունը կրող գյուղին տալ հին Պուլիհոզ անվանումը, իսկ Ռիզեի Գյունեյսուի շրջանին՝ Պոտոմյա անվանումը, կամ էլ երկու անունները միաժամանակ օգտագործելու իրավական մեխանիզմ ստեղծել»,-նշվել է գրավոր հարցադրման մեջ։

http://www.newsbox.am/turq-patgamavor-arajarkum-e/