Թուրքիան, հավանաբար, երբեք չի դառնա Եվրամիության անդամ՝ վճռական ընդդիմության և ներկայիս անդամ երկրների «նախապաշարմունքներով լի» վերաբերմունքի պատճառով, հայտարարել է Թուրքիայի՝ Եվրոպական Միության հետ կապերի նախարար Էգեմեն Բաղըշը, գրում է The Telegraph-ը:
Իր խոստովանության մեջ նախարարը նշել է, որ իր երկիրը պետք է ընդունի, որ ԵՄ անդամակցելու երկար սպասված գործընթացը կարող է ձախողվել:
«Թուրքիան, հավանաբար, կավարտի ԵՄ անդամակցության մասին բանակցությունները Նորվեգիայի օրինակով, որը անդամ երկիր չէ, սակայն մասնակցում է ազատ առևտրի գոտու համաձայնագրին»,- ասել է Բաղըշը՝ ավելացնելով, որ ինքը չի փոխի իր կարծիքը, քանի դեռ իր երկրի հանդեպ վերաբերմունքը չի փոխվել:
Նա հայտնել է, որ չնայած աճող և զարգացող տնտեսությանը` Թուրքիան դարձել է «նախապաշարմունքի» զոհ, ինչի մասին է խոսում Օլիմպիական խաղերը հյուրընկալելու մրցույթում իրենց պարտությունը:
Յալթայում անցկացվող 10-րդ ամենամյա հանդիպման ժամանակ, որը կոչված է աջակցելու Ուկրաինայի եվրոպական ինտեգրմանը, իր ելույթում Բաղըշը կոչ է արել Եվրամիությանը անել այն, ինչ լավագույնն է համարում:
«Սա նշանակում է մի կողմ դնել նախապաշարմունքներն ու ընդունել երիտասարդ զարգացող երկրներին, ինչպիսիք են Ուկրաինան և Թուրքիան»,- ընդգծել է Թուրքիայի ներկայացուցիչը:
Թուրքիան միգուցե երբեք չդառնա ԵՄ անդամ. թուրք նախարար
•
Leave a Reply