Ռաքել Դինք. «Ամուսնուս սպանել է պետությունը»

Հրանտ Դինքի անվան հիմնադրամը Եվրախորհրդարանում կազմակերպել էր «Պատմություններ հայ–թուրքական սահմանից» խորագրով լուսանկարների ցուցահանդես: Բացման արարողության ժամանակ ելույթ է ունեցել հայկական երկլեզու (թուրքերե, հայերեն) «Ակօս» շաբաթաթերթի հիմնադիր խմբագրապետի կինը՝ Ռաքել Դինքը:

Ըստ թուրքական «Զաման» թերթի՝ ելույթի ժամանակ Դինքի այրին մեղադրել է թուրքական պետությանն ամուսնու սպանության մեջ:
«Հրանտը խիզախ հայ էր: Խնդիրների մասին առանց քաշվելու ամեն հարթակից բարձրաձայնում էր: Սա չկարողացան մարսել: Մեր կարծիքով, պետության ծրագրած դավադրությամբ սպանեցին Հրանտին»,- ասել է Ռաքել Դինքը:
Խոսելով Դինքի դատավարության մասին՝ Ռաքելը հայտնել է, որ ընտանիքը որոշել է չմասնակցել դատավարություններին:
«Մենք Թուրքիայի հնարավորություն տվեցինք՝ մտածելով, որ գուցե արդարադատության հարցում իրենց աշխարհայացքը կփոխեն: Ցավոք, 6 տարի հետո դեռ նույն տեղում ենք: Մենք այլևս չենք մասնակցի դատվարաություններին: Միայն դատարանի որոշումը կտեղափոխեք Մարդու իրավունքների եվրոպական դատարան (ՄԻԵԴ)»,- հայտարարել է Ռաքել Դինքը:

Ելույթի ժամանակ Ռաքել Դինքը խոսել է նաև հայ-թուրքական սահմանի փակ լինելու մասին՝ ընդգծելով, որ ժամանակակից աշխարհում սահմաններ փակ պահող երկրի՝ 2020 թվականի օլիմպիական խաղերը հյուրընկալելու ցանկությունն անտրամաբանական է:

http://ermenihaber.am/?lang_id=2&news_=4&cur_news=1047