Լրագրողների ազատության պաշտպանության խումբն անդրադարձել է Թուրքիայում տիրող լրատվամիջոցների ճգնաժամին

Լրատվամիջոցների ազատության պաշտպան առաջատար խմբերից մեկը Թուրքիայի վարչապետ Ռեջեփ Թայիփ Էրդողանին խնդրել է քայլեր ձեռնարկել` Թուրքիայում լրագրողների ճգնաժամը վերջացնելու համար:

Նյու Յորքում գտնվող Լրագրողների պաշտպանության կոմիտեի` սեպտեմբերի 16-ին Էրդողանին ուղարկած նամակը նոր մտահոգությունների տեղիք է տալիս: Այնտեղ հատկապես ընգծվում է, որ կառավարությունը փորձում է վերահսկել վերջին շրջանի դեպքերի լուսաբանումը, ներառյալ` հունիսին երկրում տեղի ունեցած հակակառավարական ցույցերը:

Անցած տարվա զեկույցում խումբը մտահոգություն էր հայտնել Թուրքիայում լրագրողներին հետապնդելու և ձերբակալելու վերաբերյալ: Գործադիր տնօրեն Ջոել Սայմենի ստորագրած նոր նամակում ասվում է, որ թուրքական կառավարությունը այդ ժամանակից ի վեր հակալրագրողական քայլեր է կատարում:

http://ankakh.com