Կահիրեում քննվելու է Հայոց ցեղասպանության մասին դատական հայց

Թուրքական մամուլում նկատվում է անհանգստություն` կապված այն իրողության հետ, որ Եգիպտոսի ժողովրդական ճակատ ինստիտուտի տնօրեն, փաստաբան Մուհամմեդ Սաադը հայց է ներկայացրել Կահիրեի դատախազություն` պահանջելով, որ Եգիպտոսը ճանաչի Հայոց ցեղասպանությունը:

Մասնավորապես թուրքական «Ռադիքալ» պարբերականը հայտնում է, որ նշյալ դատական հայցը քննվելու է նոյեմբերի 5-ին: Սաադը նշել է, որ մինչև հիմա Ցեղասպանության ճանաչման ոչ մի քաղաքական նախաձեռնություն չարած Եգիպտոսը սխալ է վարվել: Ըստ նրա` Մերձավոր Արևելքի ամենամեծ սուննիական պետությունը, ճանաչելով Հայոց ցեղասպանությունը, կարող է օրինակ ծառայել արաբական աշխարհի մյուս երկրների համար:

Նշվում է նաև, որ Եգիպտահայ համայնքը ձեռնամուխ է եղել Հայոց ցեղապանության ժամանակ 1.5 մլն զոհերի հիշատակին նվիրված հուշակոթողի կառուցմանը Կահիրեում` դիմելով կառավարությանը:

http://ermenihaber.am/?lang_id=2&menyu_id=3&top_current=73