Սեպտեմբերի 15-ին տեղի կունենա Հրանտ Դինքի անվան միջազգային հինգերորդ մրցանակաբաշխությունը

Հրանտ Դինքի անվան միջազգային մրցանակը, նրա ծննդյան օրը` սեպտեմբերի 15-ին, կազմակերպվելիք հանդիսության ժամանակ այս տարի արդեն հինգերորդ անգամ կգտնի իր տերերին: Երկու մրցանակը կտրվի այն մարդկանց, խմբերին կամ կառույցներին (մեկը՝ Թուրքիայից, մյուսը՝ արտասահմանից), որոնք զերծ են խտրականությունից, ռասիզմից և բռնությունից, աշխատում են ավելի ազատ և արդար աշխարհի համար, իրենց ռիսկի են ենթարկում` հանուն այդ գաղափարների, խոսում են խաղաղության լեզվով՝ այդպիսով մարդկանց հույս և ներշնչանք հաղորդելով պայքարը շարունակելու ճանապարհին:

Մրցանակաբաշխության ժյուրիի հանձնաժողում այս տարի ընդգրկված են մի շարք հայտնի անձինք` Իսմայիլ Բեշիքչին, Թիմ Գարտոն Էշը, Լիդիա Կաչոն, Ռաքել Դինքը, Կոստա Գավռասը, Նիլյուֆեր Գյոլեն, Հայաստանից` Ալեքսանդր Իսկանդարյանը, Էթյեն Մահչուպյանը և միջազգային «Memorial» միությունը:
Մրցանակների հանձնման արարողությունը տեղի կունենա սեպտեմբերի 15-ին Ստամբուլում: Երեկոյի ժամանակ հանդես կգան Հայկո Ջեփքինը և Բողազիջի ջազ խորը: Մրցանակաբաշխության ընթացքին ուղիղ եթերով կարող եք հետևել կիրակի՝ սեպտեմբերի 15-ին ժամը 20:00-ին www.hrantdink.org, www.hrantdinkodulu.org կայքերում` անգլերեն և թուրքերեն:

http://ankakh.com